بحـبــك أكـتــر مـن نـفـســي -- بقلم الشاعره المبدعه -- ليالي أحمد الأسعد

بحـبــك أكـتــر مـن نـفـســي
ــــــــــــــــــــــــــــــــــــــــــــ
بحبك اكترمن نفسى
حتى فى زعلى وف يأسى
حبك بقا قصة حياتى
كل دموعى - وآهاتى
حافظت عليك
بقيت أرضيك
وافكر فيك - ف كل نهار
تعبت كتيرعشان حبك
شربت المر فى بعدك
ماحبتشى فؤاد بعدك
وكنت ف شمسنا - ضلك
بكل الحب - بحت لك
وأحلى شعور - وهبت لك
هااعيش العمر أغزل لك
أغانى الشوق أقولها لك
كلام ماجاش على بالك
ودلوقتى يا نور العين
بلاش تسيب لى قلبى حزين
ودلوقتى باقولها لك
تعال نكمل المشوار
وسيبنا- من عذاب ومرار
نعيش الحب من تانى
بلاش ف يوم تزعلنى
وتتركنى -- وتنساني
ــــــــــــــــــــــــــــــــــ
ليالي أحمد الأسعد